Ж. Жабаев атындағы №6 орта мектептің деңгейлік ұстаздары: Ердалиева Ж.Ж., Мулдиярова М.И. 16.10.2020 жылы мектептің даму жоспарына сай «Интербелсенді әдіс- тәсілдерді сабақты тиімді пайдалану» тақырыбында коучинг өткізді. Коучингтің мақсаты: «Мұғалімдерді интербелсенді әдіс- тәсілдермен қаруландыра отырып, сабақта тиімді пайдалануға үйрету». 

Коучинг басында жас мамандар «БББ» кестесін толтырды, бұл кестені толтыру себебі, келешекте әріптестердің не білгілері келетінін анықтау еді. Алдымен интербелсенді әдіс пен белсенді әдіс- тәсілдердің ара жігін ажырата алды. Сонымен қатар интербелсенді әдістердің түрелерімен танысты. Атап кетсек: «Тарсия» әдісі, «Синквейн» әдісі, «Кубизм» стретегиясы, «Венн диаграммасы»,  «Суретті әңгімеле» әдісі т.б. 

  Әріптестер коучинг барысында осы тапсырмаларды өте жоғары белсенділікпен орындады. Тапсырманы орындау барысында олар бір-бірін тыңдады, ортақ шешімге келді, қорытынды жасады. Осы әдіс- тәсілдерді әр сабақ барысында пайдаланып, оқушылардың қызығушылығы мен ұшқыр ойлаулары таңқалдыратындарын айта кетті. Шығыс даналығы: «Маған айтсаң - ұмытып қаламын, көрсетсең - есімде қалар, өзіме істетсең – мен сонда түсінемін» деген екен. Бұл - баланың ынтасын жетелеу арқылы оқыту, үйрету деген сөз. Яғни интербелсенді әдіс-тәсілдер арқылы біз оқушылардың өздігімен ізденіп, білім алуын қамтамасыз етеміз . Сабақ үрдісінде сәтті қолданылған әдіс-тәсілдердің дәлелдемелерін мына фотосуреттерден көре аласыздар.